Með tólið stíft og tek um þig

Er svo geypiglaður þessa dagana að ég er farinn að minna á sértrúarsöfnuð..ákalla samt enga guði nema kannski Torres við og við.

Það hefur verið ákveðið af kreppuráði sem ég skipa einn að breyta orðatiltækinu gull og grænir skógar í ull og grænar baunir.

Ég sá tvo svertingja með minna en tíu metra millibili áðan og svo sá ég mann sem kinkaði kollinum að óþarfa mjög reglulega..og þetta á Föstudeginum 13. ég veit bara ekki hvað ég á að halda.

Ég hefi ákveðið eftir að fjöldi fólks hefir komið að máli við monsjörinn (ein manneskja er reyndar það rétta) að byrja að ritlast hér ögn,lofa nú öngvum stórtökum en hér er gott að vera.

Noh.

Já svo breggðast krosstré sem aðra hríslur bibbi minn ég hef ekki sökum anna (Snæbjörns?) á smettisskruddunni sívinsælu vart litið á þetta þarfaverk sem bloggasíða þessi er.

Frumraun mín öfugu megin við barinn gekk eins og í sögu á Föstudaginn,pumpaði 80 lítrum af þeim gula á tveimur tímum og setti nokkra ofan í mig að sjálfsögðu.
Eftir það lá leið á Grand þarsem ég sá Flosa spila Purkinn og er það í annað sinn sem ég sé það og það var ekki síðra í seinna skiptið.
Atburðarás næturinnar á Hringbrautinni gætu vel verið skrifaðar af Cohen bræðrum og ég vona að ég nái að koma þeim í kvikmynd einn daginn,þar spilaði saman ofurölvun,vatn og tilviljanir.
Laugardagskveldinu var eytt fyrir framan sjónkann og sá ég m.a nýja south park og varð fyrir miklum vonbrigðum þarsem titill þáttarins lofaði svo góðu.
Skomberuðum við Gums svo á Reykjavík Rotterdam í gærkveldi og ég verð að segja að þessi mynd er alger snilld,skil ekki hvernig hún getur verið að fá misjafna dóma,frábærlega vel skrifað handrit og vel leikin.
Ég las þá frétt á Vísi í gær að Albinóar í Tansaníu eiga yndir höggið að sækja sökum þess að útlimir þeirra þykja góðir til að brugga seyði og af því seyði eiga menn að verða ríkir m.a,ég vona innilega að þetta nái ekki fótfestu hér á landi og menn fari að murka lífið úr þeim fáu albinóum sem hér búa.
En það má ekki útiloka neitt á þessum síðstu og verstu.

Jæja best að fara að gera ekki neitt,ég er að verða góður kandidat í landslið þeirra sem gera ekki neitt.

Javier: Gunni passaðu þig!

Jæja þá hefur fjölgað um tvo í kjallaranum á Hringbraut,Bósi Ljósár og Fernando Torres hafa komið sér fyrir og synda í hringi okkur til gleði og yndisauka.
Það er kannski frekar auðvelt að giska á hver okkar kom með hvaða nafn.
Annars höfum við verið á fullu að þrífa og græja og eigum von á gesti í mat,þó ekki Gesti pabba Söra.
Ég held að það sé best að tækla öll landsins vandamál þannig að fylgjast sem minnst með,en ég er því miður of pólitískur til þess og fer því alltaf með allar fréttir sem ég næ í í rekkju á kvöldin.
En það er mitt val.
Jæja næsta mál á dagskrá er að fara í Melabúð og gefa Morris að borða í leiðinni,mikil ábyrgð á meðlimum dýraríkis þessa helgina.
Nú er fyrir öllu að menn láti sér þykja vænt um hvorn annann og knúsist í óhófi.
Ég mæli að lokum með að allir horfi á nýja South Park þáttinn hann getur klárlega bjargað geðheilsunni.

Javier: legg til að menn sniðgangi te með öllu til að mótmæla Bresku vondu köllunum.

Nú er Geðdeild Landspítalans í vðbragðsstöðu til að taka á móti fólki sem hefur lent undir í peningaplottinu,það gæti aukið verulega ásóknina þangað hinn nýji þáttur Skjás eins Singing Bee.
Hér eru mínar tillögur til betrunar á þættinum.
Skipta Jónsa út fyrir riðuveika rollu,hún er skemmtilegri og fyndnari.
Hafa alla allsbera.
Spila bara Rage against the machine og Iron Maiden.
Þeir sem tapa eru drepnir.

Javier: Kallakaffi var konfekt við hliðina á þessum hroðbjóði

Neyðin kennir naktri konu að spinna,þetta þekkja allir það kannast hins vegar fáir við orðatiltækið sneiðin kennir naktri konu að spinna enda er það bara eitthvað sem mig dreymir um.
Kreppan hefur gert það að verkum að ég versla allar nauðsynjar í grísabúðinni hans jóa og rýni eins og hagsýn mella á öll verð.
Euroshopper er vöruheiti sem er á mörgum vörutegundum í þessari búð og keypti ég mér t.d kornfleks sem var afspyrnubragðlaust um daginn,svona í framhjáhlaupi þá verð ég að segja frá því þegar ég var eitt sinn að spjalla við Árna Tedda í Strax um árið og hann sagði mér að Extra vörurnar sem eru þeirra ódýra vörumerki væru allar gerðar úr sama efninu,kexið þvottaduftið,pastað og alltsaman barasta.
Í seinustu verslunarferð minni keypti ég Euroshopper shampoo (er ekki með neitt hár og geri engar kröfur) sem ég svo afmeyjaði áðan og lyktin af þessu helvíti er alls ekki góð og virknin engin.

Í þessum hagfræðihörmungum sem nú ríða húsum þá koma fyrir í fréttum allskonar orð  og  hugtök sem ég hreinlega skil ekki og hef í raun ekki snefil af áhuga á að vita neitt hvað þetta þýðir.
Í rökræðum langskólamenntaðara sperðla sem ég hefi oft heyrt í gegnum árin hafa oft komið fram orð sem ég skil ekki og ég  hlusta bara og hugsa með mér,ég er vitlaus.
Hvað í andskotanum er kverúlant t.d eða cand mag ?.
Það er að koma helgi sem ég hyggst brúka sem rólyndis.
Ég fékk mér gullfiskabúr í dag og nú ætla ég að bíða eftir drengnum og fara þá að kaupa tvo fiska og fjársjóðskistu og svona.

Myljandi djöfulli gott veður,ætla að nota það í að horfa á fótbolta.
Hvað í déskotanum er lufsupeysa samt.

Javier: Er búið að opna skíðalyftuna á Húsavík?

Hvað hafa atburðir síðustu vikna sagt okkur um þá sýn þeirra manna sem aðhyllast kapítalismann ?.
Hvernig hafa mennirnir á ofurlaununum það?
Hvar er ábyrgðin?.
Af hverju láta Íslendingar þennann hroka þessara hagsmunapotara sem Sjálfstæðisflokkurinn er alltaf yfir sig ganga?.
Mennirnir sem hafa ekki getað borgað fólkinu sem sér um börnin okkar og gamla fólkið mannsæmandi laun.
Mennirnir sem koma í hvert viðtalið á fætur öðru með þvílíkum hroka að maður hálf lyppast niður í vanmætti gegn valdi þessara manna.
Það þýðir ekki að segja bara að þetta sé út af einhverjum viðskiptum í Bandaríkjunum að kenna,Bandaríkjunum þarsem mekka Kapitalismans er.
Við hefðum getað verið mun betur búin undir þetta.
Almúganum blæðir eftir fyllerí þessa manna,þeir gáfu bankana,þeir gáfu Símann og þeir drekktu fólkinu í landinu í skuldir með lánafylleríi.
Og svo kemur Guðni bara keikur í hvert viðtalið á fætur öðru,maðurinn sem á stóran hlut í þessu.
Ég held að menn ættu að fara varlega í framtíðinni að gera grín af öllu sem VG talar um,ég get ekki séð að þessi svokallaða hægri stefna sé að gera okkur gott.

Javier: Guðni ætti bara að stofna Samvinnubankann og redda þessu öllu saman

Hví? og hver?og hvurs? og hvað?.
Hér gerist ekki margt verð ég að segja jafnvel þó að síðuspindill lofi bótum og betrun,tja heyr á helvíti.
Pabbahelgi og feðgar eru að horfa á einhvern bát sem flýgur og stefna rólegheitahelgi eins og ávallt og eina sem er á stefnuskrá er bíóferð sem verður að fara fram á hvíldardaginn heilaga því boltinn hinn enski er á morgun.
Ég geri nánast ekkert þessa dagana og svo ég vitni í Guðmund " ef ég geri nokkuð þá geri ég það ekki vel."
Þess vegna er kannski lítið ritlað eða hvað? ég hef nú yfirleitt ekki átt í trafölum að skrifa einhverja vitleysu en eitthvað heftir þessi dægrin.
Ég fór í útkeyrslu í vinnunni í dag í fyrsta skipti síðan í vor og það var geypigott og gaman enda er það yfirleitt mikil upplifun að eiga við verlunarstarfsmenn hina ýmsu.
Hápunkturinn verður þó að teljast það sem ég sá "graffað" á hurð eina í móttöku Hagkaupa í Kringlunni,þar var heimspekileg og djúphugsuð ádeila "graffara" sem ég féll í stafi yfir,nú.. ef ég væri jafntæknivæddur og Andri Valur þá myndi ég setja inn myndina sem ég tók á símann minn en þið verðið að gera ykkur gott að lesa þessa ódauðlegu speki hér.
Á hurðinni stóð.......BAUGUR
                                 KÚKUR

Góða helgi...

Javier: Ragnar mig langar svo að berja þig